[د.فنكوش]

اوافق علي رأي انتهاء السلسله افضل من استمرارها و خاصه ان د نبيل فاروق اثبت بما لا يدع مكان للشك ان تتابع الاحداث و الازمنه ليس منطقيا و ان من يفترض ان كل الاحداث التي تحتويها السلسله لابد ان تكون منطقيه او متتابعه علي غرار رجل المستحيل الذي جانبه الكثير من التوفيق في تتابع الاحداث و هذا لم يحدث تقريبا

[toma]

حدث ما كنت أتوقعه وأخشاه واتضح أن كل ما حدث منذ أحداث الكهف خدعة كبيرة ! ( فاكر كلامي يا أحمد يا فريد )
لو تركنا جانبًا الأخطاء الكثيرة التي حملها العدد - التي ( فصصها ) الأعزاء هنا - فهذه النهاية أجدها أفضل كثيرًا من نهاية أخر العمالقة كنهاية للسلسلة .. بالطبع لا يمكن مقارنتها بالنهاية الأسطورية في الزمن = صفر

وداعًا ملف المستقبل !

[قيصر الصقيع]

للاسف العدد ضعيف جداْ و النهايه لا تليق بسلسله ملف المستقبل احتاج لمراجعه اخر عشرين عدد على الاقل لاتمكن من كتابه كتاب كامل عن التناقضات و الاخطاء و الاحداث غير المنطقيه الضعيفه التى امتلأت بها السلسله و هذا بالطبع مستحيل لاننى لن اعرض نفسى لهذا العذاب مره اخرى يكفينى ما شعرت به و انا اتابع اخر عدد .........سأضطر اسفاْ لاسقاط اخر اعداد ملف المستقبل من ذاكراتى , لم اعد اعرف من طارق و من هو ابن من و من والد من و من عاد الى أين و أى زمن و ما علاقه محمود بأكرم و كيف لم يقابله و كان معا على سطح ارغوران يقاتلان لتحريره و قبلها على الارض ن تلك الايام الرائعه الممتعه قبل ان يتحول محمود لذلك المسخ الغريب من الزوريوم العجيب الذى يصلح لأى شىء و كل شىء و بعدين ايه اللى جاب س-18 انا كنت مستعد ارضى باى حل غير عوده س-18 تانى ، اى حل و كنا هنعديه و خلاص زى كل الحاجات الغير منطقيه للاسف احسست بان منطق دعن اخدعك ، دعنى انخدع تحول الى دعنى ((اضربك على قفاك)) مع الاعتذار للتشبيه غير الملائم .بالنسبه لى انتهى ملف المستقبل مع العدد 121

[التنين العائد]

المشاركة الأصلية كتبت بواسطة قيصر الصقيع

للاسف العدد ضعيف جداْ و النهايه لا تليق بسلسله ملف المستقبل احتاج لمراجعه اخر عشرين عدد على الاقل لاتمكن من كتابه كتاب كامل عن التناقضات و الاخطاء و الاحداث غير المنطقيه الضعيفه التى امتلأت بها السلسله و هذا بالطبع مستحيل لاننى لن اعرض نفسى لهذا العذاب مره اخرى يكفينى ما شعرت به و انا اتابع اخر عدد .........سأضطر اسفاْ لاسقاط اخر اعداد ملف المستقبل من ذاكراتى , لم اعد اعرف من طارق و من هو ابن من و من والد من و من عاد الى أين و أى زمن و ما علاقه محمود بأكرم و كيف لم يقابله و كان معا على سطح ارغوران يقاتلان لتحريره و قبلها على الارض ن تلك الايام الرائعه الممتعه قبل ان يتحول محمود لذلك المسخ الغريب من الزوريوم العجيب الذى يصلح لأى شىء و كل شىء و بعدين ايه اللى جاب س-18 انا كنت مستعد ارضى باى حل غير عوده س-18 تانى ، اى حل و كنا هنعديه و خلاص زى كل الحاجات الغير منطقيه للاسف احسست بان منطق دعن اخدعك ، دعنى انخدع تحول الى دعنى ((اضربك على قفاك)) مع الاعتذار للتشبيه غير الملائم .بالنسبه لى انتهى ملف المستقبل مع العدد 121

ولكن هذا الضعف ليس مقتصرا علي العدد الأخير فقط وإنما كما ذكرت من قبل فإن ذلك الضعف يشمل الأعداد من 129 إلي النهاية مع إستثناءات قليلة بحيث يبدو الأمر وكأن فيروسا ما قد أصاب ملف المستقبل وراح ينشر المرض بعا ببطء علي مدار هذه السنين الأخيرة ، ولا أبالغ إطلاقا عندما أقول إنني فعلا كنت أتوقع نهاية ضعيفة لا تكشف عن أي حل كنا نريده أو نتمناه ..

[OLIVINE]

الواحد مش عارف يقول ايه ...نهايه مستفزه ....نهايه والسلام

[د.فنكوش]

د نبيل لا يلتزم بتسلسل الاحداث لهذا السلسله مليئه بالثغرات

[icantthink]

هذا هو الرابط مع انى ارى ان النهاية سخيفة جدا لكن الدكتور نبيل قال انه سيستمر فى كتابة اعداد خاصة




عذرًا أخي تم حذف الرابط بواسطتي لمخالفته هذا القانون

3- عدم الإعلان عن أي موقع أو سلعة أو خدمة لغرض مادي أو ترويجي بدون الرجوع لإدارة الموقع ، و عدم إستغلال المنتدى للتشهير بمنتج أو موقع أو شركة ، ومن يُخالف هذا البند يتم التعامل معه من قِبَل الادارة بما يلزم بدءً من غلق الموضوع/ حذف المُشاركة وانذار العضو انتهاءً بتجميده عند التكرار .

أرجو الإنتباه مستقبلًا
مارس

[التنين العائد]

المشاركة الأصلية كتبت بواسطة icantthink

هذا هو الرابط مع انى ارى ان النهاية سخيفة جدا لكن الدكتور نبيل قال انه سيستمر فى كتابة اعداد خاصة

تم حذف الرابط من الإقتباس بواسطتي لحذفه من الرد الأصلي
ZAGALO

أنا دخلت علي الرابط ولم أجد شيئا من هذا كل ما وجدته مناقشة حول العدد!
أتمني او كان هناك خطأ أن يتم توضيحه ..

[icantthink]

المنتدى مش رادى يخلينى اكتب الرابط بس عموما الموقع اسمه (.........) و انا لسه منزلة العدد من هناك




تم حذف إسم المنتدى بواسطتي لمخالفته هذا القانون:

3- عدم الإعلان عن أي موقع أو سلعة أو خدمة لغرض مادي أو ترويجي بدون الرجوع لإدارة الموقع ، و عدم إستغلال المنتدى للتشهير بمنتج أو موقع أو شركة ، ومن يُخالف هذا البند يتم التعامل معه من قِبَل الادارة بما يلزم بدءً من غلق الموضوع/ حذف المُشاركة وانذار العضو انتهاءً بتجميده عند التكرار .

أرجو منك الإنتباه مستقبلًا .. فقد حذفت زميلتي مارس الرابط من رد الاول والآن عدت لإضافة إسم لمنتدى بقليل من البحث على أي محرك بحث سيظهر امامنا مباشرة ..!

كريم

[Heba Salem Ali]

قرات القصه اخيرا والعدد جيد جدا ولكن هناك بعض الملاحظات عليها

1 التغير الشديد فى شخصيه طارق حفيد نور فهو تقريبا كان عديم الفائده فى العدد ومن يرى ضعف شخصيته وانتصار الدب عليه فى قتال اثناء العدد لن يصدق انه نفسه طارق الاسد الجسور الذى حارب مع الفريق فى اعداد العدو الخارق والعاصفه النوويه وكان سببا فى انتصارهم وايضا فى رباعيه فارس الزمن وعودته للفريق ثانية فى ثلاثيه قراصنه الزمن لقد بدا كالغر الساذج وهم يوصلونه الى العدم ولم يظهر عليه اى نوع من علامات الحذر او الذكاء التى ابداهم فى الاعداد السابقه

2 عدم تفسير هاشم لسر غضبه الشديد وهروبه من المخابرات العلميه رغم انهم كانوا يحسنون معاملته كجميع افراد طاقم العلماء على حد قوله واكتفاءه بقوله انهم اوغاد وكانه لا يجد اى تفسير اخر

3 لم افهم اطلاقا كيف تم توليد الطاقه من الدوده التى تم تدميرها ولا صنع هذه الكبسوله المعدنيه التى حملت نور بمنتهى السهوله ومع ندرة امكانيات الفريق

4 انتحار القائد الاعلى وما تبقى من قومه كان مشهد درامى والحقيقه اتضايقت عليه أوى يمكن اكون ابتديت اعجب بشخصيته

5 لم افهم حقا لماذا اعتبروا العدم هو امل البشريه والامان بالنسبه لاحفاد نور وابنه واصرار دكتور راشد على البقاء فيه رغم ان نفس هذا العدم كان دمارا لمحمود فى العدد 100 (الزمن =صفر) وتاكيد دكتور نبيل فى ذلك العدد انه ليس بامكان بشرى ان يحيا فى هذا العدم الى الابد وتشتت جسد محمود وضياعه لبقاءه فيه فترة طويله سابقا

6 ما انكرش انى كنت متغاظه جدا جدا ونفسى اقول فوقى يا نشوى وافتكرى انتى راجعه ليه وهى قدام الدكتور حجازى ولا كانها راجعه من كوارث وشافت امور مهوله يشيب لها الولدان من دقايق بسيطه لكن الحقيقه هى من افضل النهايات لملف على الاطلاق وتسلم ايد دكتور نبيل اللى وضع هذه النهايه الشيقه

[icantthink]

اسفة المنتدى مش راضى يخلينى اكتب الرابط

---

و thegameismines@yahoo.com د ه ايميلى اتمنى اناقش السلسلة مع حد

---

بصراحة انا كنت افضل نهاية حزينة يا ريت الدكتور نبيل يغير رأية و يكمل على الاقل العدد 161 و يكون فية نهاية افضل


تم دمج الردود بواسطتي .. يُرجى بعد ذلك إستخدام زر التعديل ..

تحياتي،

كريم

[التنين العائد]

الأغرب إنهم أخبروا نشوي بوجود س -18 معها في الغرفة ورغم كده برضه ما إفتكرتش حاجة ، لكن لما شافت مشيرة بدأت تفتكر !

[ramy alanwar]

نهاية عبقرية بكل ما تحمل الكلمة من معنى
كنت قاعد اقراها على السرير فى المدينة الجامعية .. خلصتها وقمت قعدت على السرير 10 دقايق مبلم مبنطقش
كل اللى كان فى دماغى .. ازاى مش هقرا حاجه فيها نور وأكرم تانى ؟؟
واحد صاحبى بيقوللى اوعى تكون كده بسبب القصه ؟ قلتله اه .. نهاية ملهاش حل لسلسلة بتابعها بقالى 12 سنة .. سلسله بقالها 25 سنة وللأسف انتهت
هو ملهوش فى السلسلة قوى بس عارف اسماء الشخصيات فشرحتله النهاية باختصار .. الواد برق هو كمان وقاللى ايه الدماغ العالية قوى دى

نيجى بقى لكام نقطة حابب اقولهم
1- واضح جدا ان نشوى هتنجح عشان السلسلة تقدر تستمر
2- أكيد نقطة عدم لقاء أكرم ومحمود غلطة غير مقصودة .. عالجها زى ما أحمد سامى قال بنقطة الذاكرة اللى متأثرة
3- أهم حاجه .. ازاى يبقى د. نبيل فاروق متبنى نظرية معينة فى السفر عبر الزمن وهى ان لو تواجد شخص فى نفس الزمن بجسمين هيفنى الاتنين .. ودا اللى حصل مع أكرم فى قراصنة الزمن .... ازاى بقى نشوى لما رجعت فى الآخر اندمجت مع نشوى الأصلية ؟؟!!!!
لكن .. نظريات السفر عبر الزمن كتير .. منها ان الاتنين يفنوا -ودا اللى متبنيه د. نبيل فاروق واقنعنا بيه من زمان- ..ومنها ان الاتنين يندمجو -ودا اللى لجأ ليه فى الآخر - . ومنها ان الاتنين يستمروا عادى -ودا بنشوفه فى أفلام أجنبى كتير- .... ممكن نقبل التغيير من نظرية للتانية فى آخر عدد عشان حبكة الرواية .. وأظن دا مش غلط كبير .. لكن كان لابد من توضيح من د. نبيل فى اى ندوة
4- وأنا قاعد أقرا العدد , وأول موصلوا للحاجز .. افتكرت فيلم جيم كيرى The Trueman Show وقلت ممكن تكون زيه وبدأ بحكاية الشمس الزايفة فعلاً
لكن طلعت سفينة فضاء .. ودا يفكرنى بفيلم أجنبى شفته من حوالى 5 او 6 سنين كان برضه كائنات فضائية خاطفة البشر فى سفينه وعاملالهم عالم يعيشوا فيه وبيجروا عليهم تجارب , لكن بيغيروا من ظروفهم المعيشية يومياً .. يعنى الموظف يقلبوه شحات وتالت يوم يبقى رئيس شركة وهكذا .. وبيحطولهم ذاكرة جديدة كل يوم .. لغاية ما واحد اكتشف الحقيقة فى الآخر .. بس مش فاكر النهاية بالظبط ومش فاكر اسم الفيلم صراحة
الفكرة الأساسية هى هياها لكن الاحداث والنهاية مختلفة طبعاً
5- لو نظرنا من الناحية الدينية .. فلازم نشوى تنجح عشان مينفعش البشر كلهم ينتهوا كده

[Jemy_King]

- العدد كان ممتاز , والنهاية كانت رائعة وغير تقليدية وكانت مسك الختام للسلسلة

- وبصراحة حسيت بحزن شديد بعد ماخلصت قراءة العدد لأني كنت عارف ان ده أخر عدد من سلسلة

قصصية الواحد عاش و كبر علي قراءتها واتعود ينتظر صدور أعدادها كل أجازة بفارغ الصبر

- أبدعت يادكتور نبيل ياعظيم , وجزاك الله خيرا عنا وعن ساعات الأثارة والمتعة والخيال التي جعلتنا

نعيشها بكل جوارحنا , وأعتقد أننا لن نستطيع نسيانها أبدا حتي أخر العمر

[MV740]

نهاية ملف المستقبل مش منطقية خااااااااالص

طارق ومحمود و د راشد في العدم

ونور يقول : ربما يكونوا امل البشرية الوحيد

سلوى تقول : كيف يكونوا امل البشرية ولا توجد انثى بينهم

محمود يقول :

- انا اقدر ان ارسل اليهم انثى ............ يلهووووووووووووتي على الكلام عيب يا محمود

من النهاية وارسال نشوى يتضح ان البشرية سوف تنفى لا محالة

نشوى لا تعلم انها حامل وسوف تذهب الى الكهف ................. وهكذا دوامه متكرره

اما الغلطة الكبرى

كيف ان طارق رجع الى عصر نور في ما مضى وكانت الارض مزدهرة في وقته

للأسف كانت النهاية غير معقولة

[magician]

للأسف يا جماعة أنتوا بتقروا بدون تركيز أهم ثغرة في نهاية العالم هي طارق قولي ليه ؟ إذا كان طارق موجود معاهم في العدم طب أزاي حيرجعلهم الماضي بناء علي أوامر القائد الأعلي في زمنه وكمان يرجع مرة تانية في قراصنة الزمن . الواضح أن الد نبيل نسي طا رق و برجيت صاحبته كمان وده بيرجعنا أنه لازم يكون في أعداد جاية يوضح بيها الكلام ده

[الـقـادم لــيــلاً]

للأسف كنت أتوقع هذه النهاية قبل صدور هذا العدد بمدة طويلة ! ..

و هذا ما أجبرني على كتابة هذا الرد في يوم : 29 نونبر 2009 أي قبل صدور نهاية العالم بحوالي ثلاثة أشهر !!! :

المشاركة الأصلية كتبت بواسطة الـقـادم لــيــلاً

لا أعتقد بأن الدكتور نبيل سيتطرق لنقطة رمزي كقائد أعلى للمخابرات التكنورقمية، لأن كل ما حدث في رباعية فارس الزمن هو شيء مستقبلي يتجاوز الزمن الذي تدور فيه أحداث نهاية العالم بعدة سنوات على الأقل !! ..

أعتقد أنه هو نفسه القائد الأعلى من يقوم بلعب هذا الدور لإضفاء بعض الحماس في قلوب البشر المعزولين داخل تلك القبة المحيطة بأطلال القاهرة ! ..

هذا لو كانوا فعلًا يعيشون في القاهرة، و لم تكن هذه مجرد مناورة من القادة الذين يمثلهم القائد الأعلى ! .. لن أستغرب لو كان سكان جروندا هم وراء هذه التمثيلية الكاملة !!! ..

هل رأيت التوقعات التي على أصولها يا أحمد ؟

رابط الموضوع :http://www.rewayatnet.net/forum/show...t=40358&page=2

[محمد عصمت]

المشاركة الاصلية بواسطة القادم ليلا

للأسف كنت أتوقع هذه النهاية قبل صدور هذا العدد بمدة طويلة ! ..

و هذا ما أجبرني على كتابة هذا الرد في يوم : 29 نونبر 2009 أي قبل صدور نهاية العالم بحوالي ثلاثة أشهر !!! :

اقتباس:
المشاركة الأصلية كتبت بواسطة الـقـادم لــيــلاً
اقتباس:
انا اعتقد ان اسم نهاية العالم هيكون معبر عن نهاية العالم اللى يسيطر علية الشخص اللى بينتحل شخصية القائد الاعلى ولو توقعى صحيح هيبقى رمزى هو القائد الاعلى مكانة لان الكلام دة حصل فى رباعية فارس الزمن لما حكى طارق لنور عن مهمتة اما سأل قائدة الاعلى انة يقوم بالمهمة وقالة ان الكمبيوتر اختار اثنين هو احدهم وقالة ابى انت بتبكى وقالة كمان ان طول عمرك مش بتبدى شئ على المصلحة العامة واحنا عرفنا ان ابوة هو رمزى وامة هى نشوى ارجو ان اكون اصبت فى استنتاجى وياريت لو فية اى خطأ يصلح تقولولى علية وشكرا ليكوا
لا أعتقد بأن الدكتور نبيل سيتطرق لنقطة رمزي كقائد أعلى للمخابرات التكنورقمية، لأن كل ما حدث في رباعية فارس الزمن هو شيء مستقبلي يتجاوز الزمن الذي تدور فيه أحداث نهاية العالم بعدة سنوات على الأقل !! ..

اقتباس:
ياترى فعلا هيكون الدكتور راشد هو رجل المقاومة داخل الحصن
أعتقد أنه هو نفسه القائد الأعلى من يقوم بلعب هذا الدور لإضفاء بعض الحماس في قلوب البشر المعزولين داخل تلك القبة المحيطة بأطلال القاهرة ! ..

هذا لو كانوا فعلًا يعيشون في القاهرة، و لم تكن هذه مجرد مناورة من القادة الذين يمثلهم القائد الأعلى ! .. لن أستغرب لو كان سكان جروندا هم وراء هذه التمثيلية الكاملة !!! ..

هل رأيت التوقعات التي على أصولها يا أحمد ؟

رابط الموضوع :http://www.rewayatnet.net/forum/show...t=40358&page=2

فعلا كان عندك حق
انا اللى توقعت انة دكتور راشد ومطلعش صح